jedi_ma on Xanga

Weblog

Monday, 10 November 2008

改變衣著?唔係呀!

好耐冇寫BLOG, 一寫都幾冇從入手。但之前發生左唔少事,一方面係我唔記得個xanga login,去開多個新...(xanga.com/jedi_ckma)。同時，由俾friend話我衣著好有問題...要我改變形象，即係點....?我老哥又話要改變形象，我心諗佢好過我真係好多...只要整理一下就大把人要啦...咪叫佢洗多o的面...清潔一o的就OK啦。自己，免問...只可以講三個字...冇得救。
改變衣著?結果係出去買衫，有一點唔自在的感覺，因為我平時唔會買衫，要著時咪去到G仔等服裝店用10秒時間掃貨，試身都唔試，直接找數。所以根本唔太知自己著咩o野衫，但今次出去買衫時我個friend就話一定要試，仲要俾佢o地睇。俾人評頭品足的感覺好怪，我本身都唔係型仔啦，著成點都係咁，不過我班friend話再係咁會唔掂...
之後我有個friend話要anges b.買手鏈送俾人，仲問我意見，我只可以話anges b.有咩o野product我都唔知...問錯人。雖然唔知佢點解咁做，但見到佢要花心思去諗都幾得意。
之後我o地去tifanny&co,至今都令我難堪的tifanny...

Sunday, 26 October 2008

黑暗的一星期

鳴...這個星期實在太差....老爸因膽結石而入院,老哥整穿個girl car的車門,我又唔見銀包。
老爸已經忍了一排,佢成日唔聽話,鐘意食肥肥的o野,又唔做運動。結果又要辛苦老媽, 捉老爸去睇醫生,佢仲要係醫生前扮到氣定神閒,話自己冇事。老媽話佢只係扮o野,結果要入院做手術,仲要係排期排得好快,我估都幾大件事。本來老爸佢想封鎖佢病的消息, 但我同老哥都通左其他人,大家都好擔心佢。
仲記得我有次去探佢病,佢話佢就好似住酒店,叫我o地放心。但唔知點解,我聽完佢的病情同個病的成因,我只覺得好頭暈,有種好似控制唔到自己身體的感覺。我的理性話俾我知我可能腎上腺過高或血糖急降,但係咁多人前唔可以暈,只好扮未瞓醒找個地方睡覺。不過我呢個舉動逃唔過三叔的眼,叫我唔使膽心,我實在太差...
老哥就去幫阿琪同ivan的婚禮,不少心令個車門穿左,要成個車門換,我就唔見個銀包,唔知係邊...傷心,老爸仲要話我唔見銀包,又會俾人用信用卡,會唔見幾十萬,佢不停將件事放大,好似要死人咁....令到老媽憺心...佢真係...都唔體諒人...只係將恐懼不停散佈...

Sunday, 19 October 2008

Hi everyone! I'm just getting started on Xanga... Drop me a comment if you've got some ideas on what to do first - or just to say, "Hi!"
新電腦

今日可以有新電腦用啦, 如來做學生的優惠好正,我可以用電腦來寫BLOG...
早上返OU上堂,好想瞓覺,早知唔同dominic吹水,阿SIR好好人,我遲了成10分鐘到CLASSROOM佢都係等到我來到先講書,可能用新課室關係,佢未識用個OBJECT DISPLAYER,又要我教佢...但冇法子,佢堂堂INVESTMENT MANAGER來教書,平時唔駛佢做咁操重的工作. 教教下書,同學仔們討論coca cola 同匯源和 0066 的比較, 仲有0005 的走勢, 心都震,同學仔們大多股場老手,一個THEORY 都有咁多例子,屈機....
不過同學仔都講得好,為富不仁,為仁不商.我都要學下恨心一點. 之後先知阿SIR係CPA加CFA,仲要講CFA冇咩用,我頂,做HR的同學即時幫佢計完個SALARY,唔怪得佢話CFA冇用,唉,天呀,望都望唔到....
之後有個BREAK,正,60second 去OU club CK 個早餐, 仲可以返上課室坐,有個MK 仔入來上堂,好黑人憎,都唔係聽書...上完堂後阿SIR仲同我們講要做好功課,好TOUCH,完全冇架子...
之後去紅碪三河屋食日本烏冬,好食,去到時好多人,剛好只有2個散位,同枱個家人食鰻魚飯,唉,通街都有啦,話到明日本三河,即歧埠同愛知,最出名係烏冬,三河屋個O的有手打烏冬的味道...好正
晚上同dominic和andrew食飯,大家講起係蝕幾多真係自愧不如,唔係最多...